في اربد يقولونها هكذا الأب : منو اللي ع الشجرة ؟ الابن : هاظا اني يابا اسماعيل مالك بطلت تعرفني الأب : يا أم احمد دوك ابنش اسماعيل ع الشجرة اسع أيات بوقع وبتنكسر ايده.. الأم : يا زلمه مالك , مال غضبك خلي الولد يلعب ( الميم في كلمة مالك مفخمه). في الكرك يقولونها هكذا : الأب : منو اللي فوق الشجرة. الابن : علامك يابا انت انعميت , هذا أنا " ضيف الله ". الأب : والله لألعن صباح ابوك, طيح عن الشجرة يا ملعون الوالدين لا تقع وبعدين انقوم نقل فيك ع الدكاتره. الابن : ما ودي أطيح الأب : والله ود اللي يسطح بطنك ان شاء الله. يا أم محمد روحي طيحي ابنك لامزع رقبتك ورقبته. في الخليل يقولونها هكذا : الأب : محمممممممممد ولك انزل ل ل ل ل ل عن الشجره ه ه . الابن : شو حكييييت. الأب : بؤلك انزل هلأ بضربك بالساطوووووووور. الابن : روح اضرب حاآآآآآآآلك. الاب : يووووووووه ….. ام محمد تعالي شوفي ابنك ضناك …. مش رادي ينزل الأم : ابو محمد الله يؤصف عمرك وعمر ابنك , انا بدي اشتغل فيك هالئيتا. في عمان الغربية " عبدون " يقولونها هكذا : الام : ماما سمير انزل عن الشجرة هلأ بتوئع وبتنكسر ايدك وبصير عندك واوا الابن : ماما , معليش خليني please يا ماما. الأم : والله يا ماما انا خايفه عليك… يالله يا حبيبي مشان الماما انزل بس هالمره … حبيبي سوسو … دلوعة الماما. الابن : ( يبدو غاضبا ) طيب ماما هيني نازل بس وحياتك اليوم مش رايح اشرب الحليب ولا راح آكل my lunch . |
+2
dark angel
a.a.h.n.a.m
6 مشترك
لهجات الاردن وفلسطين
- مساهمة رقم 1
لهجات الاردن وفلسطين
the girl fun- مشرف قسم
رقم عضوية : 15
عدد المساهمات : 272
العمر : 28
الموقع : في قلوب المحبين
- مساهمة رقم 4
رد: لهجات الاردن وفلسطين
المتميزة دائما- مبدع جديد
عدد المساهمات : 66
العمر : 28
الموقع : فـي مكــان مــاا ..
- مساهمة رقم 10
رد: لهجات الاردن وفلسطين
ههههـ .. مشكـور اخـي ..